Champions Susu Enterprise wɔ Nunana na Agorve Gɔmedzesukua

Ewe News

Ghana News Agency ka nya ta be Aƒetɔ Gershon Kofi Dorvlo, si nye Champions Susu Enterprise ƒe Dɔdzikpɔlagã (CEO) le Akatsi le Volta Nutome tsɔ hehenana nu aɖewo na Agorve RC Basic sukua.

Nuawo dometɔ aɖewoe nye agbalẽwo, nuŋlɔtiwo, pɛnsilwo, kple nufiafia kple nusɔsrɔ̃nu bubuwo.

Aƒetɔ Dorvlo, le nuƒo kpui aɖe me, ɖe eme be egakpɔtɔ le gadzikpɔƒea ƒe ɖoɖowo ƒe akpa veviwo me be woado alɔ hehenana nyuitɔ le Akatsi South kple egodo.

Aƒetɔ Dorvlo, amesi hã tsɔ kɔmpiuta aɖe na sukua le ƒe si va yi me la do ŋugbe be yeayi edzi ado alɔ sukudede ƒe dɔwɔƒea.

Etsɔ aŋɔ amadede aɖewo hã ɖo ŋkume be woazã na sukua ƒe sukuxɔwo.

Aƒenɔ Martha Ayivor, si nye sukua ƒe Tatɔ si xɔ nuawo ɖe sukua teƒe la ɖe akpedada fia na nunalaawo.

Egaɖe kuku na ƒuƒoƒo bubuwo kple ame ɖekaɖekawo be woakpe ɖe sukua ŋu be etsɔme nyui aɖe nasu ɖevi siwo le suku dem la si.

Menye zi gbãtɔe nye esia dɔwɔƒea le kpekpem ɖe ame siwo hiã tu ŋu o. Ŋkeke ʋee aɖewoe nye esi va yi la, Champions Susu Enterprise, do kpekpeɖeŋunana vidada aɖe si si aƒe mele o le Nugblebi.

Aƒenɔ Ruby Agbedze, si xɔ ƒe 23, si nye asitsala aɖe eye wònye vi etɔ̃ dada, si le Nugblebi, si nye agbledelawo ƒe nuto aɖe si te ɖe Torve ŋu le Akatsi South Municipality me la bu eƒe nunɔamesiwo katã esi dzo bi eƒe xɔ wòzu afi.

Aƒetɔ Dorvlo le nunam Aƒenɔ Ruby Agbedze

 

Dzɔtsoƒe: Ghana News Agency

Leave a Reply

Your email address will not be published. Required fields are marked *